محاورة شعرية 

(ابيات مهداه للأديب عيد الثبيتي)

ياعيد ابن مبروك عساه مبروك
                عضويتك بالملتقى يالسنافي
اديب ومثقف بلاظن وشكوك
              هذا الصحيح ولاعليه اختلافي
ومن اجل ذلك يابيض الوجه حطوك
     في ملتقى ابن اجفين يوم انت وافي
على الوفا عندك شهادات وصكوك
        وعلى الادب منشاك والفكر صافي
انته وريث المجد مـ انته بصعلوك
                 تاريخكم واضح ولاهوبخافي
من ساس بيت وعرف واهلك ربوك
              على الأدب واليوم رجلٍ  ثقافي

كلمات الشاعر /
  تركي نهار ضيف الله القاضي بن ثعلي

الرد ...

‏( ابيات مهداه لشيخ والشاعر الكبير - تركي بن نهار القاضي ابن ثعلي ) 

حي الله اللي جايب القاف محبوك 
اللي  بيوته  من  جزال  القوافي 

حتى بيوت الشعر بالقاف حيوك
يالقاضي اللي فوقك البشت ضافي

شاعر وصح الله لسانك وانا خوك
من طيب راسك تمدح اللي يشافي

ما عنك زود وعزوتك كنز وبنوك 
اللي  يخلّوووون الثقايل خفافي

اهل عمهوج عز من كان مضنوك
قومن تزيد المجد مجدً اضافي 

المرجله  مآ دونا  باب مصكوك !
واللي يبـيها يبذل الجهد كافي ..

( عيد بن مبروك الثبيتي )