{ يابن نجر مانته بحاجه لتعريف }
تحرير/ الكاتب والاديب - عيد مبروك الثبيتي.
نظم الشاعر الكبير والاديب :ملفي أبن جفين الميزاني - المشرف العام على ملتقى ابن جفين الادبي الشامخ وجمعية النخبة الثقافية والادبية بمحافظة عنيزة، قصيدةشعرية يثني فيها على رجل الاعمال ”سعود بن نجر الغبيوي العتيبي في قصيدة جميلة جزلة يمدحه بالكرم والنخوة وجميل الصفات من الإقدام والرجولة وقضاء حاجة المحتاج، ورد عليه الشاعر (سعود بن نجر الغبيوي) بقصيدة مماثلة في محتواها الشعري وجمال مفرداتها..
قال... الميزاني.
ياسعود فيك المدح يزداد تشريف
ياراعي الوقفات رمز الشهامه
يابن نجر مانته بحاجه لتعريف
هامة فخر تعلو على كل هامه
من دون وجهك ماتحسب التكاليف
على الوفاء والطيب واضح نظامه
مايلحق كبار الخساير تحاسيف
و لازادة الوقفه يزيد اهتمامه
مفتوح ديوانه على الطيب والكيف
والعود الازرق والكرم والكرامه
ويعطي ولايحسب لكثر المصاريف
الله عطاه من الدها والفهامه
لعل راسه ماتجيه الصواديف
اللي تحيزم عزوته من احزامه
و ربعك تفاخربه بكل المواقيف
عتيبه الهيلا زحول الزعامه
تاريخهم ناصع ولافيه تزييف
قوماً لهم فالطيب قيمه وقامه
عشرة ابياتٍ قلتها دون تحريف
من ذائقة ملفي و بصمة ابهامه.
رد الشاعر " الغبيوي" إبن نجر على الشاعر/ ملفي بن جفين المطيري.
قال: الغبيوي....
حي. البيوت وحي راع المعاريف
الشاعر٠٠٠اللي. ماتجيه الملامه
بدع الشعر يحتاج ماهر وحريف
مثلك. علم. يبقى ليوم. القيامه
ياملفي ابن جفين يامكرم الضيف
وزبن. الدخيل. اللي تكدر. منامه
اعرفك من ضمن الرجال العواريف
محشوم عن درب الردى والرخامه
عساه. مايلحقك. شر. وتخاليف
ياالوافي. اللي. ثابتن في. كلامه
اخذ. الكلام وخل. هزل السواليف
والمحترم. يفرض. علي احترامه
مثل. الجبل. ماحركته العواصيف
لوطالت. الايام. صعب انحطامه
وانتم هل.الوقفات وانتم هل السيف
واهل. الثلاث. المعجزات. العلامه
كم واحد(ن)من فعلكم راح ماشيف
قول. وفعل. واللاش. تبرد عظامه
.jpg)
